بیر گویرچین کیمی دنسیز له میشم
بولبولم یازدا جمن سیز له میشم
اسکی دن شانلی – شرفلی ائل ایدیم
ظالیمه قارشی آمانسیز سئل ایدیم
زیروه سی چنلی – دومانلی بئل ایدیم
ایندی مدتدی کی چن سیز له میشم
منده اردملی ارن لر یاشامیش
ستارا ؛ بابکه تنلر یاشامیش
او قدر ائل جه بیلن لر یاشامیش
ایندی من ارسیز ؛ارنسیز له میشم
دردمین یوخ آدی ؛ عنوانی دئسم
حیرته دالدیرار انسانی دئسم
باشقا بیر سوزله بو معنانی دئسم
اوز دیاریمدا وطن سیزله میشم
درد منی یاندیریر آمما اودو یوخ
اودور آغزیمدا حایاتین دادی یوخ
دئمیرم دردلر ایچینده آدی یوخ
دئییره م من بئله منسیز له میشم
آی منیم منلیگیم ؛ امدادیما یئت
بیر جه گل من له قوووش دادیما یئت
منی باس باغرینا فریادیما یئت
بیلمیسن کی ؛ نئجه سنسیز له میشم .
آچیل سحر،اویان گونش!
آچیل بو سون نفسده،بو قارانلیق قفسده،سن ایله من تاپیم یئنی حیات.
ایشیقلارین ساچیلسین، چیچك لریم آچیلسین، بو ائل لره باغیشلاسین
نجات.
من... صبح آچیلار كن،
گئچمه لی یم توفانلاردان ، ال اوزوب جاندان ، بو ائل لردن ، انسان لاردان
"من یانماسام سا، سن یانماسان، بیز یانماساق،
هانسی آلوولار ایشیق سالار بو یول لارا؟...آه"
گونش دوغار، گولر حیات
چیچك له نر بو كاینات، آغلاما ای گوزلیم!
آغلاماقدان بیركس
تاپمامیشدیر چاره.
سیل گوزون یاشین، گول ائل لر له بیرلیكده، آزاد اول بو دیرلیكده، شادلیق
یاغدیر غمگین ائلیمه!
سیل گوزون یاشین، گول بو شن باهار گولسون، هر بیر لاله زار گولسون،
حیات وئرسین سولموش گولومه!